ظلم

[وحــ بدنيتي ــيد]

السلام عليكم و رحمة الله و بركاته

شباب صراحة ادارة معهد دبي ظالمين على اي شي يعطون تعهد زائد نقاط زائد انهم يخبرون الاهل و زيادة على هذا انهم يخصمون من راتبك والله شو ها الظلم انا بسير اشتكي عند حقوق الانسان.....

السموحة طولت عليكم..:s23::s23::s23:

[+النعيميه+]

خخخخخ سر اشتكي يبوك ..

انت اصلا شو سويت ؟؟ .. اكييد سوييت شييي شيييي

[وحــ بدنيتي ــيد]

والله ما سويت شي تعرفين ليش كتبوني تعهد بس عشان يبت تلفوني و نظارتي الشمسية و كابي المشكلة انه في واحد فتان في الصف راح خبرهم اني يايب هذي الاغراض سيدة صدقوه و خلوني اكتب تعهد و خبرو ابوي و ابوي ما قصر في البيت يوم رديت كان بيلعن خيري و خصمو من راتبي صج ظلم المشكله اني ما لبست النظارة ولا الكاب ولا شغلت تلفوني و كانو بيصادرو هذي الاشيا كنت بدق الاستاذ يوم قالي سلم على اغراضك والله كنت ناوي اطلع الجوتي و افلعه استاذ تافه .........

السموحة طولت عليكم.....

[وحــ بدنيتي ــيد]

والله باجر يوم بروح المدرسة بدق الولد الي سار خبر علي و الي يصير يصير والله على شو يفتن انا شو مسويله بس خلني اعرف منو هو هذا الولد و الله ما بخليه يدخل المعهد مرة ثانية بسحبة برة المعهد و بيبه عدال شيشة ادنوك و بزقر ربعي بخليهم يدقدقونه بخليه يعرف ان الله حق.....و بعد ما ادقه بكتب على راسة جيم اوفر خله يتعلم كيف يفتن مرة ثانية........

[+النعيميه+]

برايه يخبر وخلهم يخصموون .. خييرهاا بغييرهاا ... شوف يوم بتيب فونك وهالاشياء خلهن بس جدام ربعك لا تظهرهن جدام عيال ما تعرفهم .. وبعديين هااه الي فتن .. خله برايه يفتن من اليوم لين بااجر .. هوه الخسران هب انته ... طوفها هالمره بس عرف هالولد واذا شفته يوم مخالف والا يايب فونه والا شي سر خبر عليه ... وحده بوحده ..

هب كل شي ينحل بالضرااابه ..!!

والله انا استغرب منكم .. كل شي ضراابه .. هب زيين ترا .. والله

[وحــ بدنيتي ــيد]

مافي تفاهم بدقدقبه باجر ....... باجر بسير المعهد و باخذ معاي الرنج بوكس بادبه قهرني كنت بنطرد بسبته

[uae-me]

ان الله غفور رحيم

ولا تحط بذمتك وتسير تضرب الولد ويطلع اخر شي الشخص الغلط

حرام اتحط ها الشي في ذمتك

لا بعد تبا تكتب جيم اوفر

شو بتكون ردة فعل اهلك اذا الولد سار بلغ الشرطه انك اعتديت عليه بالضرب

شفت انك ماراح تستفيد شي واخر شي بطيح السالفه على راسك وبدخل اهلك مخافر الشرطه

وبيفتحولك ملف في الشرطه

وهذا الملف بيتم طووووووووووووووووووووووووووول عمرك

مكتوب فيه انك معتدي على شخص بالضرب

ويييييييييييييييييييه باجر يوم بتشتغل يمكن بعد ما يعطونك شهادة حسن سيره وسلوووووك كيف جيييه ؟؟؟

بهدلت نفسك

وايد اندمجت في النص

بس انته لازم اتحط في بالك ان اهل الولد ما بيسكتون لو صاير معاي انا ها الشي

اسويها وببلغ الشرطه لانها في خدمة الشعب :)


ومن البدايه المعهد عطاكم شروطه وانتو وافقتوا عليها صح

ليش الاستهتار مع المعهد للدراسه صح ولا لأ

على فكره يمكن الولد الاداره حاطينه العين السحريه في الصف اللي يقول كل شي

يعني مجبور ولا زم يقول لا زم اتحط عذر وعذر

والنظاره اكشخ فيها في الويك اند

والتلفون وقته بعد ما تدرس

بالتوفيق ان شاء الله

كلامي كتبته حبيت تاخذه بيكون لمصلحتك ما حبيت تاخذه شي راجعلك

وهذي نصيحه لك اليوم تدرس وبعد سنتين بتتخرج وبعدها بتتذكر هاي السوالف

وبالتوفيق ان شاء الله

[فيونكـﮧَ فوشيـﮧَ]

والله نحن عندنا هنييه أي شي سخيف نسويه سييييدهـ تعهد .. ماشي تفااهم ><"

[وحــ بدنيتي ــيد]

اليوم مسكت الولد الي فتن علي شو ما سويت فيه سحبته برة المدرسة و اتصلت حق ربعي و هم اتفاهمو معاه و انا رجعت المدرسة يوم هو رجع كانت الحصة الاخيرة توها بادية و انا بعدني ما دخلت الصف شفته اول ما شافني كان بيصيح اشفقت عليه مسكته و عطيته طراقين و قلتله لو في اهلك خير روح اشتكي و بنشوف منو الي بيكمل في المعهد انا و لا انت .... بس صراحة ربعي ما يقصرون علموه الادب احسن يستاهل هو شو يخصه فيني انا شو سويتله ما كلمته ولا رحت صوبه ولا حتى سلمت عليه انا كله ايلس اخر الصف بروحي و ما ارمس احد و كله ساكت حتى في البريك ما ايلس مع احد كله يالس بروحي ليش هو يقوم يفتن والله مشكلته اذا هو مب ريال انا ريال و من اليوم و رايح اي واحد يحاول يتحرش فيني بدقدقبة و بمسح فيه المعهد بكبرة ...........

و السموحة طولت عليكم.......

[uae-me]

استغفر الله العظيم

الله يهديكم

[كلام القلوب]

هههههه الله يهديكم

شو انتو ما عندكم غير الدق والتصفيح
شو ماعندكم شي إسمه كلام....

بس الصرااحة نحن نفس الحالة فالمعهدنا... بس نحن مجبورين أن نرضا لان من البداية وافقنا بالشروط غلي عطونا إياها....

والسموحة ع الإزعااااج

[صلعوه]

ههههههههههههههههه


عاااش ولد عيمـآن اشكر فنك

الله يسآمحك مآداني ولد ينضرب :(

يعني انتوآ اتضاربون نحن عوقنا لساننا لآزم انصارخ خخخ يعني لآزم نتشكي عند حقوق المراءه هع هع

يالله عسب يتادب يعني

ويسلموآ

[x00x-21]

شكلاها السالفة مطولة في اي معهد

[al hadarah]

احسن إلي سويته, بس المشكلة انه يمكن المسكين مجبور انه يخبر الإدارة بس خلاص شو الفايدة بعد ما انتي عطيته طراجين ما فقي فايدة.
المهم حاول تتجنب الضرب وايد لأنه يمكن من كثر ما تضرب الناس يقومون يكرهونك و يحاولون ينتقمون فابقى في الsafe side

[(^ـ^)]

هههه دعايه دعايه شو سوا به ..
لازم تظهر لنا بطولاتك يعني ..!

[شآمبؤؤ بآلصآبؤؤن]

هههههه الله المستعإآن

لإآززم ضراآإبه يعنــي ^.^
الله يهدييكم ويهديني ويإآكم ^.^

بس آهم شي انه الوإآحد ينتبه ع درآإسته ويحإآول يبتعد عن هآإلسووؤآإلف شوويه

ؤالسمـــــؤؤؤحــه منـــكــم :(26):