اختبارات الانجليزي

[جريحة دبي]

مرحبا اشحالكم اخواني وخواتي
حبيت استفسر عن اختبار الانجليزي لهاي السنة كيف شو راح يدخلون لنا العام الماضي كان السيبا
هالسنة شو؟؟؟؟؟؟؟؟؟؟؟؟ :(33):

[dhb900]

راح يكون ايلس وهذا شي اكيد اكدة معلمتنا انه هذا القرر نافذ يعني موب سيبا السيبا لغوها يعني سهلوها علينا هذي السنة

[جريحة دبي]

شكرا ع ردك اخويه يعني اختبار الايلتس اسهل عن اختبار السيبا؟؟؟؟؟؟؟؟؟؟؟؟؟؟؟

[عطر ورود]

لا القرار الي نزل ان سيبا وهذااا القرار شبه اكييد

[الاسبانية]

اوكي خواتي واخواني حد يفيدني اذا عنده معلومات شو بالنسبة لطلاب المنازل لاني واحدة منهم ثانوية عامه

[جريحة دبي]

حد يقول ايلتس وحد يقول سيبا نحن نبى الاكيد كيف راح نتأكد المعلمات والمعلمين ما يقولون الصج ما ادري ليش يخشون عنا

[راعي الفتك الوردي اح]

انا لين الحين سمعت مليون شي ما نعرف الصدق من الكذب

[dhb900]

السيبا مقررة وهذا القرار وصل امس يوم الخميس من الوزارة
بعد ما الغوها رجعوها يعيني نفس البحر مالهم امان


ادعو الله ان يختار الي فيه خير وصلاح لحالنا

[جريحة دبي]

صج الله يعينا هاي السنة انشاءالله الاختبارات اتكون سهلة وايد وايد فوق المتوقع وكلنا نييب نسب عدلة ترفع راسنا وراس اهلنا وراية وطنا الغالي
مهما كان اختبار الانجليزي نحن راح ننجع وغصب عنهم طيب غصب بننجح
قوووووووووووووووووووووووولو امين
المهم اتشدون الحيل واتذاكرون اول باول يا اخوان وخواتي واموفجين جميعا انشاءالله

[~داعية الخير~]

السلام عليكم ورحمة الله وبركاته

ياا النااس احناا وين عاايشين كل يووم يغيروون قراراات ...
موااعيد الامتحااناات قربت وحنا ما نعرف شوو نمتحن ...يعني حتي كلماات سيباا ما عندي ..
نبي حد من مدرسين او موجهين يردوون عليناا لانه والله نسبه كبيره من طلااب ما يعرفوون شوو رح نمتحن

[born to shoot]

المعلمين و المعلمات اصلا لاما يعرفون شو بيستوي لان كل يوم بقرار و تقسيمة مختلفة في الامتحانات و اما بالنسبة للسيبا فاننا سوف نمتحنها و لكنها لن تكون محسوبة في المجموع النهائي بل لتساعد فقط للقبول الجامعي و سيكون هناك 3 امتحانات يحسب منها احسن امتحانين هذا ما اعرفة و ما قالوه لنا و الله اعلم

[شاعر الاحساس]

انا طالب منازل و عندي الخبر الأكيد الأمتحان بيكون في المدرسة عادي مثل الامتحانات السابقة بس بشكل جديد و أسئلة جديدة مثل اللي في الورك صورة وعليها أسئلة مثلا طبعا التصحيح بيكون في المنطقة التعليمية
والسيبا حق اللي يبا يدش الجامعة
تطمنوا

اتمنى انكم تدعون لي بالتوفيق

[منصوركو]

نحن وصلناا ان الي يبغي الجامعه يمتحن سيبا والي ماايبغي ماا يمتحن
والصرااحه ماافي شي اكييد
يلعبوون بناا ~
كل يوم قراار
يالله حكم القوي ع الضعيييييييف>>الي هم نحن
ادرسوو عدل مموفقيييييييييييييييييييييييييين

[قائد أركان الحب]

امتحان سيبا ماشي
الى حق الي يبون يدخلون الجامعة
ومايمتحنون فالمدرسه يمتحنون فالجامعة
وعندك ثلاث محاولات علشان تنجح فالسيبا